DILI, STLTIMORLESTE.com – Eskola Sekundáriu Jeral 10 Dezembru Komoro kada loron halo kontrola masimu ba profesores sira.
Kestaun nee hatoo husi Diretor Eskola Sekundariu 10 Dezembru Komoro, Manuel Verdial ba jornalista STL iha nia knaar fatin ESJ 10 Dezembru, Kuarta nee (18/03/2026).
“Hau hanoin kona-ba aula nee kompetensia ita fahe hotu ona, nee mak GAT no administrasaun, adjuntu mak iha kurikular ninia, haree ba iha jestaun pedolojiku, tanba nee ami iha nee 34 sala de aula, adjuntu tenke tur hamutuk ho profesores sira hodi nunee bele kontrola hahu inisiu oras ida hahu aula nee, nee adjuntu mak tenke toma nota ba asuntu ida nee, atu nunee bele hatene,” nia informa.
Tuir Manuel, liu husi kontrolu nee mak bele hatene katak, profesor ida neebe mak tama kompletu no ida neebe mak sempre tarde, nomos profesores ida neebe mak husu lisensa makaas, lisensa nee diak hela, maibe bainhira lisensa beibeik mak aula ida neebe la tama, nee bele implika ba iha kualidade.
Iha parte seluk, Direitor Eskola Sekundariu Nobel da Paz, Jeremias P. de Jesus dehan, antes halao aula profesores ida-idak aprezenta planu de aula nomos kada loron nafatin halo kontrola ba profesores sira.
“Hau hanoin antes halao aula, profesores ida-idak aprezenta planu de aula nomos kada loron nafatin halo kontrola ba profesores sira,” nia deklara.
(jac)
