DILI, STLTIMORLESTE.com – Eskola Ensinu Baziku Filial (EBF) Aituri Laran la sosa bee moos, tanba sira uza bee moos hamutuk ho komunidade sira.
Asuntu nee hatoo husi Koordenadora EBF Aituri Laran, Gracinda Morreira de Araujo Tilman ba STL, Domingu nee (17/11/2024).
“Ami laiha problema ba bee moos, no ami la sosa bee moos, maibe ami uza bee hamutuk ho ita nian komunidade sira, nee duni ami nian bee moos neebe mak ami uza ba tein programa merenda eskolar mos laiha problema, neebe ami nian bee moos lao diak hanesan baibain, ami asesu bee moos lao diak hanesan baibain,” nia dehan.
Nia afirma, bee moos nee importante tebes, tanba uza ba tein merenda eskolar, professor no estudantes sira uza ba iha toilet, nee duni sira laiha defikuldades ba iha problema bee moos, tanba durante nee sira asesu bee moos iha sira nian eskola.
Nunee mos Xefi EJP, Jacinta da Conceicao hatete, sira asesu bee moos lao ho diak, tanba iha dapur nee sira ense bee iha profil boot ida, bainhira estudantes sira atu han no depois de han, nee estudantes sira sempre fase liman uza bee moos neebe mak prepara iha profil.
(jac)
