DILI, STLTIMORLESTE.com – Eskola Sekundariu Nobel da Paz harii tan edifisiu foun andar ho sala neen (6), tuir planu sei finaliza iha fulan Setembru tinan nee.
Asuntu nee hatoo husi Fundador Eskola Nobel da Paz atual Diretor Eskola Sekundariu Nobel da Paz, Jeremias Pinto de Jesus ba jornalista STL iha nia knaar fatin, Kuarta nee (28/05/2025).
“Ami nian konstrusaun ba edifisiu foun ho andar ida sala neen, nee agora daudaun ninia konstrusaun lao hela, kompanhia hahu kee rai kuak tau besi riin ona, ami halo uluk iha okos nee sala neen, sala rua kantor, sala haat nee ba ita nian estudantes sira halo prosesu ensinu aprendizajen,” dehan nia.
Jeremias dehan, sala haat neebe agora daudaun ninia konstrusaun lao hela nee ba estudantes sira, bainhira remata sira bele uza ba iha ezame nasional neebe sei halao iha tinan nee, agora daudaun kee hotu ona rai kuak, semana rua tan bele cor ona ai riin no sinta sira nee.
“Atu finaliza konstrusaun nee ami promete nee ba fulan tolu deit, nee kaer husi Timoroan no ema estranjeirus, nee duni Setembru tinan nee bele entrega ona, atu nunee dia 20 Outubru tinan nee ami nian estudantes sira bele uza ba iha ezame nasional, selu badaen husi kompanhia nee rihun US$ 20, agora gasta sosa ekipamentus nee seidauk sura, tanba foin hahu konstrusaun, remata mak ita bele hatene ninia montante nee hira,” tenik nia.
(jac)
