DILI, STLTIMORLESTE.com – Agora dadaun eskola publiku la hetan kontribuisaun husi inan aman estudantes sira, liu-liu presiza nesesidade eskola nian.
“Ami nian eskola publiku nee la hetan kontribuisaun, entaun ami hanesan nesesidade labarik sira nian nee hanesan jis, sabaun fase liman, ami enfrenta ida nee dezde iha fulan Janeiru tinan nee, maibe ami halao enkontru ho inan aman estudantes sira nian, dala ruma balun mai lori aisar ida no lori ho sabaun fase liman ninia, nee laos lori loron-loron, maibe depende ba ami enkontru ho inan aman sira,” dehan Koordenadora Pre Eskolar Moris Foun I, Domingas Beatriz da Cunha ba jornalista STL iha nia knaar fatin, Sesta nee (16/05/2015).
Domingas dehan, estudantes sira lori sabaun, aisar husi uma mai eskola nee hanesan kontribuisaun ida husi inan aman sira, maibe iha semana kotuk nee tama ona iha Konta bankaria eskola nian, lori ida nee mak sosa sira nian nesesidade eskola nian, kadernu, lapis.
“Konsesoins eskolar nee kada labarik ida dolar ida, ami nian estudantes hamutuk 130, osan ida nee ami uza sosa kadernu, jis, lapis, sabaun, balde tau bee, nee duni ami sosa tuir nesesidade eskola nian,” dehan nia.
(jac)
