DILI, STLTIMORLESTE.com – Atu fo konsesoins eskolar ba eskola sira tenke hatama planu ba servisu Edukasaun Munisipiu Likisa, maibe bainhira seidauk hatama nee seidauk bele fo osan refere.
Lia hirak nee hatoo husi Direitor Servisu Edukasaun Munisipiu Likisa, Julio da Silva ba jornalista STL liu husi telefone, Kinta nee (29/05/2025).
“Konsesoins eskolar nee tama ona, osan nee tama ona, maibe sira nian planu laiha nee oinsa mak ita bele fo ba sira, nee duni sira tenke hatama lai planu ruma mai ita mak bele fo osan nee ba sira, kuandu ita fo osan nee planu laiha, oinsa mak ita bele fo osan nee ba sira, konsesoins eskolar ba tekvo no sekundariu mak seidauk tama, tanba nee nibel nasional ninia, munisipiu nee haree ba iha nibel pre eskolar no ensinu baziku deit,” nia afirma.
Julio akresenta, nee duni eskola planu laiha nee, osan nee fo atu halo saida, tanba too agora planu mandatoriu atu uza osan nee laiha,nnee duni osan nee sei iha Edukasaun Munisipiu ninia liman, agora sira nian planu mos laiha, nee labele fo osan nee ba sira, tanba SEM la hatene osan nee sira atu uza ba saida.
Nunee mos Diretor Eskola Sekundariu Tekniku Vokasional 28 de Novembru Bekora, Tomas Pinto hateten, konsesoins eskolar seidauk tama iha konta bankaria Eskola Tekniku Vokasional 28 de Novembru Bekora.
“Ami nia konsesoins eskolar seidauk tama konta bankaria eskola nian, tanba ami TECVOC sei tama iha fulan Junhu se lae Novembru mak foin tama dala ida, nee duni too agora ami nian konsesoins eskolar seidauk tama, iha ezame primeiru periodu neebe mak ita halao tiha ona nee, ami deve rental US$ 50,” dehan nia.
Entretantu Diretor Nasional Ensinu Sekundariu Tekniku Vokasional, Fernando Mouzinho Gama dehan, konsesoins eskolar ba tekvo nee sei distribui ba eskola tolu nolu, ba eskola publika, nomos ba eskola privadu sira neebe sei fo apoiu ba sira, maibe eskola tekvo publiku nee agora prosesu nee lao hotu ona, hein prosesu ba iha pagamentu ninia, maibe tekvo privadu hanesan tekvo Mau Mali Maliana, orsamentu tama ona sira nian konta bankaria, ba eskola tekvo hetan subvensaun publika hanaran fundu operasional eskolar nee, fundu ida nee tinan ida implementa ba eskola lima, tekvo ida iha Atabae, tekvo iha Leorema, tekvo iha Vikeke no eskola rua agrikultura neebe uluk MAP mak kaer, nee laos konsesoins eskolar.
(jac)
