DILI, STLTIMORLESTE.com – Eskola Sekundariu Jeral nu. 4 Setembru husu ba Ministériu Edukasaun (ME) atu bele halo moru eskola iha parte eskola kotuk neebe seidauk iha moru.
Liafuan nee hatoo husi Diretor Eskola Sekundariu Jeral nu. 4 Setembru Balide, Sergio A. da Cruz ba jornalista STL iha nia knaar fatin, Domingu nee (27/07/2025).
“Moru parte eskola kotuk ninia ita presiza halo duni moru para ita bele asegura ita nian eskola nee diak liu tan, se kuandu laiha moru nee ema husi liur bele tama sai livre iha areador eskola ninia, nunee mak ami nian moru eskola parte leten eskola kotuk ninia nee ita presiza duni atu halo moru protesaun,” dehan nia.
Iha fatin seluk, Koordenador Pre-eskolar Sagrada Familia Vila Verde, Cornelio Antonio Soares hatete, presiza iha moru neebe mak diak atu nunee bele asegura estudante sira, tanba eskola ida nee besik hela estrada ibun, maibe daudaun nee sira iha portaun para dader estudante sira tama eskola nee bele taka ona portaun nee.
“Hau hanoin ita presiza iha moru neebe mak diak atu nunee bele asegura estudante sira, tanba eskola ida nee besik hela estrada ibun, maibe daudaun nee sira iha portaun para dader estudante sira tama eskola, nee bele taka ona portaun nee,” nia informa.
Entretantu Diretor Servisu Edukasaun Munisipiu Manatuto, Patricio da Cruz Quintao hatete, eskola balun iha moru eskola, maibe balun mak seidauk iha moru, lo-loos eskola nee iha moru para bele asegura estudante sira.
“Ita nian eskola balun iha moru eskola, maibe balun mak seidauk iha moru, lo-loos eskola nee iha moru para bele asegura estudante sira,” tenik nia.
(jac)
