DILI, STLTIMORLESTE.com – Eskola Sekundariu no Ensinu Baziku Nobel da Paz selebra loron restaurasaun independensia 20 Maiu ba dala 23 iha eskola.
Lia hirak nee hatoo husi fundador Eskola Nobel da Paz, Jeremias P. de Jesus, ba jornalista STL iha nia knaar fatin, Tersa nee (20/05/2025).
“Ohin Eskola Sekundariu no Ensinu Baziku Nobel da Paz hamutuk ho estudantes no profesores husi eskola rua nee selebra loron restaurasaun independensia 20 Maiu iha eskola, ami ho estudantes sira isar bandeira iha eskola, iha selebrasaun nee ami halo tomada de pose ba osis foun ba eskola rua nee, nunee mos atividades ida seluk mak halo konstrusaun ba ami nian edifisiu andar ho sala neen (6),” tenik nia.
Nia akresenta, ohin dader estudantes hotu partisipa iha selebrasaun loron restaurasaun independensia nee iha eskola, hafoin isar bandeira halo mos tomada de pose ba osis, nunee mos halo konstrusaun edifisiu foun andar no sala de aula neen (6).
“Ohin ami selebra loron 20 Maiu iha ami nian eskola, ami isar bandeira no ami nian estudantes hotu marka prezensa, kada tinan ami sempre selebra loron 20 Maiu, 30 Agostu, 28 Novembru, loron importante sira nee ami selebra iha eskola,” nia komenta.
(jac)
