DILI, STLTIMORLESTE.com – Espasu eskola iha Munisipiu Dili susar atu aumenta sala de aula ba estudantes sira, karik atu aumenta hakarak ka lakohi tenke halo andar, maibe laos buat neebe fasil, presiza tau orsamentu neebe boot.
Liafuan nee hatoo husi Diretor Edukasaun Munisipiu Dili, Sabino Perreira ba STL iha nia knaar fatin, Segunda (23/12/2024).
Nia dehan, atu halo andar nee laos buat ida fasil, maibe tenke tau orsamentu neebe boot, maibe ida nee kompetensia husi Edukasaun Munisipal halo pedidu ba iha Ministeriu mak bele foti desizaun. Hanesan hanoin husi EBC Manleuana nian proposta, iha nee seidauk simu dala ruma sira haruka direta ba Ministeriu.
‘Hau hanoin husi EBC Manleuana nian proposta ami seidauk simu, dala ruma sira haruka direita ba Ministeriu, tanba karik pedidu liu husi ami mos hanesan servisu Edukasaun Munisipal, ita enkamina ba iha parte relevante. Tuir ita nian akumulasaun nee ita nian eskola sira iha Dili laran nee espasu atu aumenta sala nee susar, maibe karik atu aumenta sala de aula hakarak ka lakohi halo andar,” tenik nia.
Iha fatin seluk, Diretor EBC Manleuana, Carlos Correia dehan, parte eskola halo ona proposta ba ME liu husi Edukasaun Munisipal Dili, maibe ate agora seidauk hetan resposta ba proposta neebe mak sira hatama iha fulan kotuk, maibe too ohin loron seidauk hetan resposta husi parte ME.
(jac)
