DILI, STLTIMORLESTE.com – Ministru Defeza Kontra Almirante Donaciano Rosario da Costa Gomes “Pedro Klamar Fuik” hasoru malu ho espesialista iha Intelijénsia Artifisial husi Australia, David Finnegan, hodi koalia kona-ba utuliza Artifisial Intelijensia iha Timor Leste (TL).
Nia dehan, sira mai hanesan espesialista ida ba teknolojia Intelijénsia Artifisial neebe mak importante tebes-tebes iha mundu aktual. Intelijénsia Artifisial nee agora daudaun sosiedade hotu-hotu avansadu utiliza para bele fasilita ba sira nia moris loron-loron nian hanesan iha servisu fatin atu halao saida deit mak sira bele halo diak liu evikasa no evizenti liu bele uza Intelijénsia Artifisial.
Nia hatutan, ohin hasoru malu ho espesialista iha Intelijénsia Artifisial husi Australia, David Finnegan nia ekipa tanba sira atu husik hela sira nia estabelesimentu paltaforma teknolojia ida nee nian mai iha Timor Leste (TL).
“Bele ajuda ita nia governu lori ita nia sosiedade, liu-liu area neebe mak relasiona ho saúde no edukasaun hotu-hotu dala ruma bele hetan informasaun diak konaba oinsa maka bele haburas no hariku liu tan sira nia servisu utiliza Intelijénsia Artifisial,” hatete Pedro Klamar Fuik ba jornalista sira, iha Ministeriu Defeza Kurtel Jerál F-FDTL Fatuhada, Dili, Kinta (03/04/2025).
Nia informa, area ida nee importante tebes iha nasaun ida nee, liu-liu Espesialista iha Intelijénsia Artifiaial husi Australia, David Finnegan mai hamutuk iha nee.
Iha fatin hanesan, Espesialista iha Intelijénsia Artifisial husi Australia, David Finnegan informa, Artifisial intelenjensia nee importante ba nasaun TL, tanba mundu agora teknolojia.
“Artifisial intelenjensia nee importante ba ita nia moris loron-loron, ezemplu ita uza telefone mos fas parte husi Artifisial intelejensia no ba ita nia moris loron-loron, tanba hau hanoin ita bele uza iha servisu fatin no iha neebe deit,” nia deklara.
Nia hatutan, Artifisial intelenjensia sai nuudar husi parte ema nia moris loron-loron, tanba nee ohin Ministru Defeza nota katak, Artifisial intelenjensia halo servisu efisiente liu.
“Tanba nee ohin ami nia prezensa iha nee hodi ajuda Timor Leste atu iha abilidade hodi aprende uluk no depois ita instala plataforma dijitalizasaun iha Timor Leste. Ita mos sei servisu hamutuk ho departementu hotu-hotu ajuda sira hodi servisu iha teknolojia Artifisial Intelenjensia no invosasaun. Tanba ita sei iha abilidade hodi dijitaliza departamentu hotu ba Artifisial Intelijensia hodi nunee bele interligadu atu servi Timor Leste, ho nune ita bele analiza Artifisial Intelijensia no teknolojia hodi prome prifil Timor Leste ba mundu globalizadu,” nia informa.
Nia koalia, laos instala Artifisial Intelijensia iha Timor Leste deit, maibe mos sei promove Timor – Leste nia kafe no bambu nomos esplora sistema edukasaun no setor seluk liu husi Artifisial Intelijensia ba mundu.
“Ita servisu hamutuk ho Santos Familia hodi implementa programa nee iha futuru,” nia afirma.
(jen)
