DILI, STLTIMORLESTE.com – Tristeza hafalun sarani Katolika lakon bibi atan diak, Amu Domingos Maubere, tanba nee Estadu no Igreja presiza lider ida hanesan Amu Domingos Maubere bele inspira joven Timor Leste iha futuru.
Nia dehan, hanesan joven intelektual rezistensia ida ao longo do prosesu sempre hamutuk ho Amu Domingos konhesidu ho naran Amu Maubere, joven Timor uluk konhesidu modika ida hetan esperiensia boot husi Amu Domingos Maubere nia inspira joven TL tomak tantu juventude rezistensia intelektual sira neebe mak ikus ba liur, ami resistensia neebe ikus kompoin ba 12 Novembru ba kadeia balun mate por kauza de inspirasaun Amu Domingos nian.
Hanesan Ermera oan husi Parokia Letefoho Nossa do Carmo sente lakon Lider Vizionario ida, tanba nee hein katak 50 anos tenke mosu lider ida hanesan Amu Domingos Maubere bele halo transformasaun kontinua ba jerasaun futuru.
“Tanba nee ita Nia Estadu, Igreja presiza lider ida hanesan Amu Maubere ho karakter akumulativu, tanba nee hau bele dehan rejiaun IV hamriik konta mos Amu Domingos Maubere nia papel estraordinaria prosesu luta ba libertasaun nasional kuandu depois 12 Novembru reinstala fali iha rejiaun IV Ita Nia Lider boot Kay Rala Xanana Gusmão, Konis Santana sempre hamutuk ho nia diskute kona-ba futuru Timor ninian, liberta povu hamutuk ho lider rezistensia sira nee opsaun ida deit, tanba haree dezde periode 80 fila husi Portugal nia ba sai Amu Paroku iha Ossu, akontesimentu Kraras Amu Domingos alinha kedas iha neeba, husi nee depois vizita Santu Padre nia tun ba Parokia sira nia primeiru autor ba mudika joventude Igreja Katolika,” dehan Rezistensia Juventude, Jose Fota ba jornalista sira iha HNGV, Sesta nee (16/05/2025).
Nia dehan, husi nee nia hatete ba joven sira palavra de regra mak amizade, unidade no responsabilidade, tanba nee iha periode rezistensia depois vizita Amu Papa João Paulo II iha Tasi Tasi neebe konklui ho demostrasaun sira, husi nee mai demontrasun iha Dili nee fazeadamente ami joven rezistensia la hakiduk la tauk mate, laos Munisipiu Ermera deit maibe 13 Munisipiu hotu-hotu rona palavra de Orden mai husi Amu Domingos Maubere no aumezmu tempu rona mos komadel hodi lidera funu konklui referendum too mai iha tinan 1999.
Amu Domingos lider estraordinariu, joven rezistensia sente perda boot ba Amu Domingos Maubere, nunee Timor ukun aan tiha nia deside lao husi Dili ba foho Ramelau lao deit iha sitausaun difisil, ho objetivu lori joven Timor nia terus intelektual rezistensia nia terus sarani Timor nia terus hamutuk oferese ba Inan Nain Feto Ramelau, nee katak susesu boot ida Amu Domingos halo ba Timor, ba Igreja ba povu tomak no sarani tomak.
(joa)
