DILI, STLTIMORLESTE.com – Relasiona ho preokupasaun kona-ba estatutu Guarda Prizional sira nian, Ministru Justisa deklara katak, ba oin sei haree fila fali, maibe ho razaun tekniku balu sei suspende.
“Estatutu Guarda Prizional sira nian ita sei haree fila fali iha tempu sira neebe mak mai, karik ita iha ona esbosu maibe ho razaun tekniku balu, entaun ita suspende, ita sei halo iha tempu sira tuir mai,” dehan Ministru Justisa, Sergio Hornai ba jornalista sira iha Lesidere, Tersa (22/04/2025).
Nia hatutan, ba oin sei haree atu oinsa bele lori fila fali ba hodi deskuti.
Iha fatin ketak, Diretor Prizaun Suai, Rui Gonçalves dehan, estatutu Guarda Prizional nian importante tebes atu sai matadalan ba iha sira.
“Estatutu Guarda Prizional iha alterasaun, tanba nee sei prepara hela atu aprezenta ba segunda parte, sujere ba nai ulun sira atu haree ba estatutu nee,” dehan nia.
(ter)
