DILI, STLTIMORLESTE.com – Membru Parlamentu Nasional (PN) husu Ministru Obras Publikas (MOP) atu tau atensaun ba estrada iha Suku Bukoli, Postu Baukau, Munisipiu Baukau, neebe ameasadu atu kotu iha tempu besik.
“Hau hakarak kolia kona-ba estrada ida iha iha Aldeia Luluheni, Suku Bukoli, Postu Baukau, Munisipiu Baukau, kuaze ameasadu atu kotu,” Deputadu Bankada CNRT, Francisco Da Costa “Ikualay” levanta liu husi plenaria PN, Tersa (25/02/2025).
Nia hatutan, iha duni estrada alternativu ida ba populasaun atu liu iha neeba, maibe kondisaun estrada mak la hanesan.
Tanba nee nia husu Visi Ministru Asuntu Parlamentares, Aderito Hugo atu enkamina preokupasaun nee ba Ministru Obras Publikas hodi reabilita lalais, nunee bele fasilita transporte sira neebe kada loron utiliza.
“Tanba nee husu Senhor Visi Asuntu Parlamentares atu aprezenta hela ba Ministru Obras Publikas atu tau atensaun, tanba estrada ida nee besik ona atu kotu, se kotu mak labele liu husi estrada nee,”.hatete Deputadu nee.
(alb)
