DILI, STLTIMORLESTE.com – Arguidu ho inisial MJ hatan iha Tribunal, tanba halo estraga lezdu ho inisial MG nia sasan.
Tuir akuzasaun neebe Juiz prosesu Ivan Suritai lee sai iha loron Segunda (06/01/2025) katak, iha loron 1 fulan Maiu tinan 2024 arguidu ba iha ofendidu MG nia uma, hodi tuda rahun ahi matan, sobu kalen, estragus bikan fatuk no kanuru.
Arguidu ba iha ofendidu nia uma, tanba haree ofendidu aumenta baranda hodi tama ba iha sira nia rain.
Konsekuensia husi arguidu nia hahalok nee, ofendidu nia sasan hetan estragus.
Hatan ba akuzasaun neebe iha, arguidu deklara katak problema nia hun tanba rai, momentu neeba ofendidu sira halo uma la tuir baliza neebe iha, mak halo arguidu nervozu hodi dudu ses kalen neebe sira tau.
Arguidu mos konfesa ba faktus neebe iha katak, arguidu halo duni saida mak hakerek ona iha akuzasaun, maibe arguidu arepende tebes ba aktu nee.
Lezadu mos reforsa tan katak, momentu neeba arguidu halo estragus ba sasan dapur nian.
Rona tiha ida nee, Tribunal husu atu tama ba iha alegasaun, no iha alegasaun Prokurador mantein ho akuzasaun neebe iha, husu Tribunal tetu deklarasaun hotu hodi aplika kastigu ba arguidu.
Enkuantu husi parte defeza husu Tribunal tetu sirkunstansia hotu, atu bele aplika pena neebe justu ba arguidu.
Rona tiha alegasaun, Tribunal adia ba loron seluk hodi rona desizaun.
Tanba nee, Ministeriu Publiku akuza arguidu komete krime Violensia Domestika ho Forma Ofensa Integridade Fizika Simples, neebe previstu iha artigu 145 husi Kodigu Penal.
Audensia julgamentu nee prezide husi Juiz Singular Ivan Suritay, Ministeriu Publiku reprezenta husi Prokurador Gustavo Soares, arguidu hetan asistensia legal husi Defensor Publiku Manuel Amaral.
(ter)
