DILI, STLTIMORLESTE.com – Estrutura foun Komunidade Flobamora (Flores, Sumba, Timor no Alor) neebe lidera husi Maria Karlos No Udju-Sonbay (Mami) realiza Misa Agradesimentu hodi husu tulun ba Maromak atu akompanha nafatin durante sira nia mandatu ba periodu 2025-2028.
Misa Agradesimentu neebe prezidi husi Padre Heribertus Ngalu, SCH.P, akompanhia husi Padre Urbanus Bunga Lolon, SVD no amu sira seluk halao iha Kapela Madre PRR, Manleuana, Dili, Domingu kalan (18/1/2026).
Misa Agradesimentu nomos Misa Natal 2025 no Tinan Foun 2026 nee, partisipa husi familia boot komunidade Flobamora, inklui sira neebe tama iha Estrutura foun Flobamora ba periodu 2025-2028 neebe lidera husi Maria Karlos No Udju-Sonbay. Figura Maria Karlos No Udju-Sonbay mak troka Prezidente Komunidade Flobamora Sesante, Yohanes Usboko.
Iha Misa Agradesimentu nee, Padre Urbanus Bunga Lolon, SVD, liuhosi omilia husu ba komunidade Flobamora iha Timor Leste atu hametin nafatin unidade no kaer metin filosofia “Bae Sonde Bae Flobamora Lebe Bae”.
Nia dehan, fraze ida-ne’e filozófiku no riku ho signifikadu. Ida-nee iha mensajen espesiál ida ba Flobamora nia oan sira iha diáspora.
“Fraze ne’e enkapsula iha knananuk “Bae Sonde Bae Flobamora Lebe Bae”. Knananuk ida-ne’e sai ona hanesan hino nasionál Nusa Tenggara Timur (NTT), fatin ne’ebé povu NTT hela ba, no ida-ne’e hananu beibeik. Knananuk nee hananu atu hametin lasu maun-alin no parentesku ba ita, oan sira husi diaspora,” dehan Amu Urbanus.
Nai Ulun Relijiozu Flobamora nian nee mos dehan katak Flobamora hanesan forum ida atu halibur malu, maske mai husi munisipiu oi-oin ho lian, kultura, tradisaun, motivu hatais no aihan prinsipal sira oi-oin.
“Ita halibur malu iha sumbrinha ida nia okos neebe hanaran Flobamora. Ita hotu mesak maun alin. Ita hasoru malu atu fahe sentimentu. Ida moras hotu-hotu sente moras no ida susar hotu-hotu sente susar,” tenik Padre Urbanus.
Tinan 18 Flobamora Ezisti iha Timor Leste
Amu Urbanus mos dehan tinan 18 ona Flobamora ezisti iha Timor Leste hahu ho grupu kiik oan.
“Flobamor nee harii husi hau ho Adidu Imigrasaun KBRI Dili momentu neeba, Pak Idamor neebe bai-bain bolu Pak Mor ho lider sira balun iha loron 12 Novembru 2008,” tenik Amu Urbanus.
Misa hotu halao serimónia tomada de posse ba junta Flobamora foun. Partisipa husi Embaixador Indonesia iha Timor Leste, Okto Dorinus Manik ho nia Espoza, Flantina Sari Mutiara Silalahi, funsionáriu sira husi empreza estatál (BUMN) no empreza privada, adidu imigrasaun nian, adidu defeza nian, adidu edukasaun, adidu POLRI iha Embaixada Indonézia iha Dili, lideransa komunitária sira husi NTT, madres, padres no no konvidadu sira seluk.
Aleinde tomada de posse ba junta Flobamora foun, eventu ne’e marka mós despedida komunidade Flobamora nian ba Embaixadór Indonézia iha Timor Leste, Okto Dorinus Manik ho nia espoza, Flantina Sari Mutiara Silalahi.
Estrutura foun komunidade Flobamora neebe simu pose iha selebrasaun Natal 2025 no Tinan Foun 2026 no despedida Embaixador Okto Dorinus Manik ho familia boot Flobamora iha Timor Leste, kompostu husi Maria Karlos No Udju-Sonbay (Prezidente), Aloysia Gonzaga Pare (Vise Prezidente), Adriana Gana (Sekretariu), Hilaria Maria (Vise Sekretariu), Florida Kedo (Tezoureiru), Emmy Tobi (Vise tezoureiru).
Aleinde nee, Xefe Fornu (Ketua Tungku) sira mos simu pose mak hanesan, Pendeta Yunus Nahe (Kupang), Imelda Sau (TTU no TTS), Maria Matilda Settu (Belu), Frans Meak Rayon (Malaka), Adriana Gaina (Sumba), Florida Kedo (Ngada), Sherly Lay Rade (Sabu), Agus Feoh (Rote), Hendrius MasJon (Manggarai), Peres Siga (Nagakeo), Agustina Davince (Maumere), Pak Bolang (Alor) no Aloysia Gonzaga Pare (Lamaholot).
Konsellu Tutela mak, Embaixador RI ba Timor Leste no Adidu Imigrasaun KBRI Dili, Xefe Reliziozu, Pe. Urbanus Bunga Lolon, SVD, no Pendeta Novie Pandie. Figura Publiku mak Yohanes Usboko, Viktor Gogo, Karlos No Udju, Frans Meak Rayon no Agus Feoh. Lider Edukasaun mak Pe. Benny Ndiu, SVD no Damianus Talok.
Estrutura foun Flobamora nian nee kompleta ho departamentu hirak neebe estabelese ona hanesan, departamentu sosial, umanu, feto no labarik. Koordenador ba departamentu refere mak Madre Elfina, OSF, ho nia membru mak Achy Noronha, Susan (Maumere), Vita (Malaka) no Imelda (Biinmafo).
Departamentu Edukasaun, Arte no Kultura, responsibilidade husi Padre Benny, CMF, ho membru Ferdinandus Tukan, Madre Mishel, PRR, Ibu Elis (Nagekeo), Hendrikus Masjon, Elda da Costa no Rino Dhika.
Departamentu Ekonomia no empreendedorizmu responsabilidade husi Ibu Anace (Malaka) ho nia membru mak Ibu Yulita (Nagakeo), Ibu Febby Pandie (Rote), Ibu Ros Kono (Biinmafo) no Ibu Berta Ture.
Departamentu Media, Informasaun no Dokumentasaun ho Koordenador Mikael Mali Mau ho nia membru mak Ibu Sherly Lay Rade (Sabu), Adhelya Naga (Kupang), Fidel Olin (Biinmafo), Ibu Grace (Sabu), Sandro Moda no San Ray.
Departamentu Relijiaun no Espiritualidade responsabilidade husi Padre Herry ho membru mak Padre Benny, CMF, Ibu Helda Mada (Rote), Ibu Anna Mambait (Biinmafo), Ramli Bazar (Kupang) no Madre Geraldia, PRR.
Departamentu Relasaun Públika, Ekipamentu no Konsumu responsabilidade husi Kevin Jansen no nia membru mak Eus (Nagekeo), Benny Burman (Maumere), Anthon (Lamaholot), Hery (Manggarai), Inggar (Kupang), Ibu Leo (Alor), Ibu Gita Siki (Biinmafo), Ibu Susan (Rote), Ibu Alfrida (Malaka) Ibu Nona Berek (Belu) no Ibu Yofin Bae (Bajawa). Koordenador Rejiaun Oekusi mak Frederikus Jemmi Silvester.
(ger/mik)
