DILI, STLTIMORLESTE.com – Estudante husi Departamentu Hotelaria husi Eskola Hotelaria no Turizmu Bekora, iha tempu besik sei ba Study Tour iha Kupang, Indonezia.
Asuntu nee hatoo husi Adjuntu Diretor Eskola Hotelaria no Turizmu, Charles F. Guterres katak, sira halo ona kooperasaun sei halo tour study iha politek Turizmu Kupang, kona-ba Study Tour iha Kupang ninia, nee sira sei hein novidade mai husi Indonezia, tanba Indonezia mak sei apoiu viajen hotu ba sira, inklui fatin toba, nee parte husi Kupang mak sei fo apoiu no sira lori deit estudantes ba vizita sira nian fatin iha nee ba.
“Departamentu Hotelaria nee ninia laboratoriu iha, ami bolu dehan mini hotel, iha fatin resepsionis ami iha departamentu tolu, departamentu hotelaria, kulinaria ho modelajen, hotelaria ninia nee ida mak Study Tour, bele lori estudantes sira viajen hodi haree fatin turistika sira nee, ami ba halo tour study iha Atauro, Hera, Cristo Rei, iha tempu badak nian laran ami iha planu Study Tour ba iha Munisipiu Likisa,” dehan Adjuntu Diretor Eskola Hotelaria no Turizmu Bekora, Charles F. Guterres ba STL iha nia knaar fatin Bekora, Kinta nee (27/03/2025).
Iha fatin seluk, Diretor Ezekutivu TLCE, Jose Monteiro hatete, iha ensinu tekvo nee iha kada departamentu hanesan hotelaria turizmu no departamentu seluk tan, oinsa estudantes sira haree ba fatin turizmu sira neebe iha rai laran.
(jac)
