DILI, STLTIMORLESTE.com – Estudante barak mak ladun respeita ba kodigu estrada númeru 6/2003.
Liafuan nee haktuir husi Xefe Departamentu Koordenasaun Jestaun Risku no Formasaun Edukasaun Sivika Diresaun Nasionál Seguransa Rodavizaria Polísia Nasionál Timor Leste (PNTL), Superintendente Assistente Polísia Domingos Sarmento Gama ba jornalista sira iha Kampus IOB Fomentu, Dili, Sesta (29/08/2025).
Nia dehan, tanba nee mak Sesta (29/8/2025) ohin PNTL servisu hamutuk ho empreza Shell organiza seminár ho tema “Safety Riding Goes to Campus ba estudante Institute Of Business (IOB) hodi entrodus lei kodigu estrada ba estudante sira. Nunee konsensializa estudante sira labele viola ba regra tranzitu no bele komprimenta ba lei kodigu estrada numeru 6/2003.
“Seminàr nee fokus liu ba estudante sira iha Universidade no ba iha eskola sekundaria hodi labele viola lei kodigu estrada. Tanba violasaun lei númeru 6/2003 nee barak tebtebes halo husi ita nia territóriu mak estudante sira. Kadaves sira hatene, maibe sira koko atu viola lei nee,” hatete nia.
Superintendente Assistenste Domingos nota katak, realidade hatudu iha UNTL nee iha ona zebra kros, maibe dala barak estudante sira la uza zebra kros hodi ultra pasa.
“Sira dala barak viola ida nee, zebra Kros iha tiha mak la liu husi neeba ida nee sira viola sira kodigu estrada númeru 6/2003,” nia tenik.
Nia dehan, husi kodigu estrada artigu 93 ba uitimzasaun zebra kros nee kuandu ema atu hakat husi estrada sorin ba estrada sorin tenke liu husi zebra kria kuandu lae iha artigu ne’e sei aplika multahahu dólar ida too dólar neen.
“Maibe ida nee ate agora lei kodigu estrada entra vigór ona tinan 23 maibé seidauk implementa diak. Tuir loloos se mak la kumpri ida nee iha sansaun no iha mos multa. Tanba nee husi semináriu ida nee ninian foku ba estudante sira atu konsensializa sira kumpri ba kodigu estrada,” esplika nia.
Nia informa, seminar ida nee importante los hodi bele esplika artigu sira husi kodigu estrada. Seminar ida nee, laos ba deit ba estudante husi Universidade deit, maibe PNTL kolabora ho empreza Shell hodi kontinua ba eskola sekundaria sira nunee konsensializa sira bele komprimenta ba lei kodigu estrada.
Nia deklara, tanba numeru asidente rejista makaas nee envolve joven ho idade produtivu idade 25 mai karik tanba la kumpri ba kodigu estrada.
“Ita husu hotu-hotu atu kumpri ba lei kodigu estrada hodi ita bele prevene asidente viasaun tanba kazu asidente barak ne’e iha ita nia territóriu tuir dadus neebe ami rejista nee envolve joven hosi idade produtivu 25 mai kraik,” nia konklui.
Iha fatin hanesan, Visi Reitor Primeiru neebe trata ba asuntu akademiku Institute Of Business (IOB), Facio Sarmrnto Soares informa, sente haksolok tanba PNTL hamutuk ho empreza Shell relaiza seminar ida neebe partisipa husi estudante IOB.
“Ita haree seminar ida nee diak tebes tanba bele eduka estudante sira hatene kona ba regra tranzitu nian no oinsá konsensializa sira hodi bele prevene asidente sira,” nia koalia.
Nunee mos Reprezenta Empreza Shell José Xavier afirma, ba oin empreza Shell kontinua apoia PNTL hodi halo sosializasaun ba estudante sira iha nivel ensinu superior no sekundaria, nunee bele konsensializa estudante sira bele kumpri regra tranzitu. Tanba tuir dadus PNTL katak ema neebe mak viola regra tranzitu nee barak liu nee joven sira entaun, liu husi meu ita hamutuk halo tradisaun ba númeru asidente nee.
Jornalista: Jeniche da Costa
Editora: Domingas Gomes
