DILI, STLTIMORLESTE.com – Estudante husi estranjeiru lubuk ida mak halo prosesu estudu iha Universidade Catolica Timorense (UCT).
Lia hirak nee hatoo husi Reitor UCT, Padre Joel Casimiro Pinto ba jornalista sira bainhira remata inaugura edifisiu Papa Francisco UCT iha Balide, Dili, Kuarta kalan (19/03/2025).
“Ida neebe mak ami rejistu halo hela matrikulasaun katak sira halo formasaun maibe sira nee seidauk rejistu, ida nee mak ita nia maluk sira husi indomat mai husi India, mai husi Pakistaun, Bangladesh, Nepal, Srinkala, sira balu neebe hakarak estuda medisina jeral, maibe iha programa ida,” dehan Reitor.
Reitor dehan, sira estudu ho lingua ingles, no estudante sira iha UCT aprende ho lingua português maioria, ho forsaun neebe boot depois iha segundu lingua mak inglês. Tetun por enkuantu sira la komprende bele uza tetun mais oituan deit.
Reitor dehan, estudante sira neebe halao estudu iha UCT ho total 140.
“Sira hamutuk 140 hanesan nee, no universidade nee iha fakuldade 4, edukasaun, siensia medika, enjineria agrikula,” katak nia.
Nunee mos Arsebispu Arkedioseze Metropolitana Dili, Dom Virgilio Cardeal do Carmo da Silva, SDB hatete, maske universidade naran Katolika maibe esklui ema atu halo estudu iha fatin refere.
“Naran UCT maibe la esklui ema ida no iha universidade iha musulmanu nain rua mos eskola iha nee no agradese ba embaixador angola nia oan mos eskola iha nee no estudante seluk tan, no ami agradese ba parte hotu neebe ohin mai, ami agradese no dioseze kontinua konta ho ita boot sira nia tulun, mai ita hamutuk nafatin,” dehan Kardeal.
Dom Virgilio hatete, husi Governu no parte hotu neebe hakarak suporta universidade nee mai tau hanoin hamutuk atu sai providensia.
(eme)
