DILI, STLTIMORLESTE.com – Estudante neebe mak dader mai tarde eskola fo sansaun ba sira, haruka limpeza no hirak neebe falta beibeik nee fo karta xamada bolu inan aman, para sira nian oan ativu iha eskola.
“Ita nian profesores piket sira mak halo kontrolu ba ita nian estudantes sira, tanba sira mak iha kompetensia kontrola estudantes inklui diretor no adjuntu, karik ita nian estudantes mai tarde, nee sira tenke halo limpeja ruma, no laos haruka estudantes fila fali ba uma, nee duni sansaun saida mak bele halo nee, se kuandu beibeik no falta hela deit mak ami sei fo karta xamada bolu inan aman estudantes,” dehan Diretor Ensinun Baziku Sentral (EBC – sigla português) Manleuana, Carlos Correiaba STL iha nia knaar fatin Manleuana, Tersa nee (21/01/2025).
Nia dehan, bainhira estudates sira mai tarde no falta beibeik, nee husi eskola sei fo karta xamada, bolu inan aman estudantes, atu nunee bele fo hanoin sira nia oan kada loron tenke ativu iha eskola.
Entretantu, estudante Liliana de Jesus hatete, nuudar estudates dader tenke mai sedu eskola para bele partisipa iha ensinu apredizajen husi profesores sira, no estudantes nee tenke ativu iha eskola.
“Ami nuudar estudates dader tenke mai sedu eskola para bele partisipa iha ensinu apredizajen husi profesores sira, no estudantes nee tenke ativu iha eskola, liu-liu ba ita nian orariu kada materia nee ita tenke tuir,” nia afirma.
(jac)
