DILI, STLTIMORLESTE.com – Estudante Universidade Nasional Timor Lorosae (UNTL), Faculdade De Medicina E Ciênciass Da Saúde (FMCS), Departamentu Escola Superior Parteira halao Estajiu iha Hospital Nacional Guido Valadares (HNGV).
Serimonia nee halao iha Salaun Serimonia HNGV Bidau Dili, Segunda (2/2/2026), no abertura husi Diretora Enfermajem no Parteira HNGV, Maximiana Libania Sagrada Ferao, no Dignisima Decana Faculdade de Medicina e Ciênciass da Saúde UNTL, Lidia Gomes.
Tuir informasaun neebe STL sita husi pajina ofisial HNGV, Tersa (03/02/2026) hatete, tuir termu de entrega, Faculdade de Medicina e Ciênciass da Saúde Departamento Escola Superior Parteira UNTL entrega estudante estajiadu ba iha HNGV hamutuk 176, nee se fahe ba etapa IV hodi halao pratika klinikal durante fulan iha Enfermaria/Unidade HNGV.
Estudante estajiadu eskola superior parteira FMCS UNTL hamutuk 35 maka sei halao pratika klinikal ba etapa I durante fulan 3 hahu husi Fevereiro too Abril 2026.
Marka presensa iha serimonia nee husi Diretora Escola Superior Parteira UNTL, Visi Diretora Escola Superior Parteira UNTL, Xefe Gabinete Formasaun e Peskiza HNGV, Xefi Unidade no Kordenadora HNGV, Edukador, Corpos Dosente Departamento Escola Superior Parteira no Klinikal Instruktur.
(dom)
