DILI, STLTIMORLESTE.com – Estudante husi Eskola Hotelaria no Turizmu iha loron Sabadu partisipa atividades estra kurikular mak hanesan formasaun lian português, japaun, inglés no eskuteiru.
Lia hirak nee hatoo husi Adjuntu Diretor Eskola Hotelaria no Turizmu Bekora, Charles F. Guterres ba STL iha nia knaar fatin Bekora, Sesta nee (21/03/2025).
“Lian ofisial tetun ho português, ita koalia nee agora dadaun ita haree kuaze modul hotu-hotu la inklui lingua inglês, maibe kuaze modul hotu-hotu kona-ba geografia no iha materia produtivu, istoria nee kuaze português hotu, tanba ninia lingua instrusaun nee kuaze português hotu. Ba eskola rasik mos ami iha loron Sabadu nee ami halo deit atividades estra kurikular, nee mak ami loke kursu português, inglês no lingua japaun ba estudantes sira, nomos ho atividades eskuteiru ninia,” nia haktuir.
Adjuntu nee hatutan, iha loron Sabadu nee eskola loke atividade oin-oin, nee mak hanesan kursu lingua português, inglés, japaun, eskuteiru, desportu nomos muzika, nee depende ba estudantes sira mak hili.
(jac)
