DILI, STLTIMORLESTE.com – Komandate Eskuadra Kristu Rey, Inspetor Asistente Paulino de Cravaliho husu ba Estudante sira labele hakerek Arte Marsiais no Arte Ritual nia naran iha paredi lolon.
“Hau husu ba estudante hotu-hotu laiha ema ida hakerek iha paredi lolon Arte Marsiais no Arte Ritual nia naran iha neeba,” hatete Komandate Eskuadra Kristu Rey, Inspetor Asistente Paulino de Cravaliho ba jornalista sira iha eskola ESTV-IT, Bekora, Dili, Tersa (01/03/2025).
Nia dehan, paredi sira nia lolon nee laos hakerek Arte Marsiais no Arte Ritual nia naran iha neeba, tanba fatin ida atu hodi buka matenek atu aban bairua hodi dezenvolve rai ida nee ba oin.
“Imi mai iha nee atu aprende lisaun neebe manorin nain fo, ida nee mak save ba ita boot sira oinsa atu hetan benefísiu ruma husi ita nia Governu mak bolsu estudu,” nia deklara.
Nia informa, estudante hatudu aan hanesan estudante no tenke aprende buat barak, laos mai aprende buat la diak hodi buka malu tuda malu, baku malu nee benefisiu ba futuru laiha.
Iha fatin hanesan, Inspetor Area Kontrolu ESTV no ESG, Lino da Costa esplika, estudante hotu-hotu mai iha nee para aprende, laos mai hakerek fali areadores eskola sai fali Arte Marsiais no Arte Ritual.
“Ita mai iha nee atu aprende, laos mai iha nee hakerek fali Arte Marsiais no Arte Ritual iha areadores eskola nee,” nia deklara.
Nia hatutan, Arte Marsiais laos la diak, maibe Arte Marsiais hanesan Desportu ida bele tuir treinamentu no perepara fiziku, depois bele tuir kompetisaun iha novel nasional nomos nivel internasional.
Nunee mos Estudante Eskola Tékniku Vokasional Ekonomiku Komersiu (ESTV- EEC), David Ximenes Silva koalia, paredi sira nee uluk kedas hakerek PSHT no 77 nomos Kera Sakti, maibé agora pinta foun fali, agora moos ona.
“Maibe los duni, paredi nee laos kadernu hodi hakerek iha leten, ita mak laiha konsiensia hodi uza ita nia kakutak aprende buat foun, maibé estudante balun hanoin mak Arte Marsiais no Arte Ritual, hau hanoin ida nee la fo benefisiu ba ita nia aan, benefisiu ba ita nia aan mak estuda no aprende buat barak hodi dezenvolve ita nia nasaun nee ba oin,” nia afirma.
(jen)
