DILI, STLTIMORLESTE.com – Jerasaun Patriota, Domingos Xavio da Silva husu ba estudante sira atu labele para estuda, tanba sira mak futuru nasaun Timor Leste nian.
“Hanesan Jerasaun Patriota hau husu ba estudante sira labele para estuda, tanba imi mak futuru nasaun Timor Leste nian,”dehan Domingos ba STL, iha Kaikoli, Dili, Sabadu (24/01/2026).
Maibe sira mos rona informasaun katak governu halo diskriminasaun ba eskola publiku no privadu, maibe la-loos diskriminasaun, sistema no methodologia iha prosesu aprendizajem la hanesan ho eskola publiku.
Dala barak mos sosiedade kestiona ba kualiade edukasaun, maibe koalia ba kualidade edukasaun tenke haree mos husi parte hotu hodi haree nia impaktu neebe mak diak no neebe mak aat. Emtermus fasilidade, rekursu umanu hanesan instrumentu importante atu lori kualidade husi ensinu aprendizajen ba diak.
Nia fo ezemplu sala hanorin menus, kondisaun eskola ladun saudavel, ida nee mos fo impaktu direta ba kualidade prosesu aprendizajem. Laos nee deit iha eskola bazika no filial balu seidauk iha laboratoriu, komputador, maibe haree ba fasilidade sira nee ajuda estudante sira atu aprende bainhira sira estuda kona- ba siensia.
Iha parte ketak, Veteranu Delfin Magno da Silva hatete, estudante sira mak futuru nasaun nian tanba nee presiza estuda makaas, nunee aban bainrua bele troka lideransa tuan sira.
“Hau husu ba estudante sira atu estuda didiak labele hanoin mak tuda no baku malu hela deit, hodi estraga imi nia moris ba aban bainrua nian,” dehan Delfin.
(car)
