DILI, STLTIMORLESTE.com – Estudantes finalista husi Eskola Sekundariu Nobel da Paz hamutuk 1.177 mak sei partisipa iha ezame nasional tinan ida nee.
Diretor Eskola Sekundariu Nobel da Paz, Jeremias P. de Jesus dehan, estudantes finalista husi nibel ensinu sekundariu neebe sei partisipa iha ezame nasional ba tinan ida nee hamutuk 1,177, no ensinu baziku 274. Oras nee dadaun finalista sira nee preparadu, hodi hein partisipa ezame naeional neebe mak sei halao iha loron 20 fulan nee.
“Atu hetan valor diak, estudantes sira mak tenke esforsu aan estuda, tanba tempu besik dadaun ona,” haktuir nia ba STL, Segunda (06/10/2025).
Nia katak, husi parte eskola nian preparasaun ba ezame nasional nee lao hela, no husi eskola nafatin fo hanoin ba estudantes finalista sira tantu nibel sekundariu no ensinu baziku, sira tenke estuda para bele hetan valor diak, no bele pasa gusi ezame refere.
Iha fatin seluk Kordenador Gabinte Unidade Kurikulum Nasional iha ME, João Maupelu dehan, bainhira imprimi hotu sei ba halo verifikasaun hotu tiha mak sei koloka tuir disiplina eskola idak-idak.
Depois dia 1 hanesan nee halo ona pakotementu, no dia 17 de Outobru distribui ona pontus ezame nasional.
Total finalista neebe sei partisipa iha ezame nasional tinan nee hamutuk 55.902.
Jornalista: Jacinta
Editora: Domingas Gomes
