DILI, STLTIMORLESTE.com – Knaar profesores idak-idak hatene orariu hanorin estudante iha sala de aula, maibe estudantes sira tenke komprende materia husi profesores neebe hanorin sira.
Asuntu nee hatoo husi Diretor Servisu Edukasaun Munisipiu Manatuto, Patricio da Cruz Quintao ba STL, Domingu nee (30/03/2025).
“Maibe oinsa mak tenke tama hanorin estudante iha sala, atu nunee ninia materia nee hanorin estudante no estudante tenke kompriende materia neebe mak profesores fo ba sira. Tanba nee ita fo hatene ba sira, profesor sira mos hatene tiha ona knaar hanesan funsionariu publiku nee tenke tama tuir oras, oinsa dader mai sedu eskola, kumpri nafatin orariu hanorin neebe mak estabelese ona husi ita nian eskola idak-idak, ida nee mak profesor sira tenke kumpri,” nia afirma.
Patricio dehan, profesores tenke hatene sira nia knaar, nuudar manorin nain tenke kumpri orariu hanorin estudante iha eskola idak-idak nian. Hau hanoin primeiru ita nian profesor sira tenke hatene sira nian knaar nee, tanba hanesan ema manorin nain ou hanesan profesor, depois hanesan funsionariu publiku, tanba buat hotu-hotu nee iha lei mak regula, inklui lisensa sira nee, liu-liu ba profesor sira.
“Ita nian profesores hotu halao sira nian knaar hanesan hanorin ita nian estudante sira iha eskola idak-idak,” nia dehan.
(jac)
