DILI, STLTIMORLESTE.com – Estudantes 125 husi Eskola Hotelaria no Turizmu Bekora partisipa formasaun lian Japaun no ingles.
Kestaun nee hatoo husi Diretur Eskola Hotelaria no Turizmu Bekora, Charles F. Guterres ba STL, Segunda (11/8/2025).
“Konaba progresu iha formasaun estudantes sira nian, neebe partisipa iha formasaun atividades extra iha loron Sabadu, nee diak tanba ita nian estudantes sira hahu koalia lian Japaun baziku no lia Inglesh,”katak nia.
Nia hatete, husi parte eskola nian kopera ho parseiru balun, tanba sira fornese mos sertifikadu ba labarik sira. Bainhira estudantes sira tuir formasaun durante fulan tolu,sira bele simu ona sertifikadu. Nee ba iha nibel ida, depois hakat fali ba iha nibel ida tan,maibe nibel ida estudantes sira konsege halo hotu tiha ona.
Nee duni liu husi formasaun nee estudantes sira baziku komesa koalia ona, lian inglesh mak barak liu, tanba iha sala 4.
Iha lian inglesh ninia estudantes 100 nunee, agora lian Japaun nian 25. Lian rua nee estudantes hamutuk 125.
Nia akresenta,iha formasaun nee fo fleksibilidade,labarik balun hakarak mai tuir formasaun,balun partisipa atividades desportiva,depende ba talentu husi estudantes ida-idak nian,tanba husi parte eskola fo fleksibilidade.
Nunee mos Diretor Eskola Sekundariu Jeral nu. 4 Setembru Balide, Sergio A.da Cruz dehan, iha loron Sabadu estudantes sira partisipa iha atividades extra kurikkular ninia, hanesan balun partisipa iha atividades desportu,no balun partisipa iha atividades seluk neebe mak halao iha sira nian eskola.
(jen)
