DILI, STLTIMORLESTE.com – Estudantes husi Eskola Sekundariu Jeral (ESJ) nu. 4 Setembru Balide hamutuk 1,239 sei partisipa iha ezame III periodu, neebe sei realiza iha loron 17 too 22 fulan nee.
Diretor ESJ nu. 4 Setembru Balide, Sergio A. da Cruz dehan, normalmente konaba materia prepara ona, buat hotu lao ho organizado hodi hein deit ezame neebe sei halao iha loron 17 too 22 Novembru tinan nee.
“Ita nian estudantes hamutuk 1,239 sei partisipa iha ezame III periodu ninia. Buat hotu lao preparadu, ita nian professores sira fo ona materia ba ita nian estudante sira, oinsa mak sira ida-idak estuda hodi hein ezame iha loron neebe determina ona,” dehan nia ba STL, Tersa (04/11/2025).
Nia hatete, husu estudantes ida-idak atu oinsa prepara aan estuda, tanba iha tempu badak nian laran sira sei partisipa iha ezame III periodu ninia. Bainhira estuda, sira bele hetan valor neebe mak diak husi ezame refere.
Entretantu Estudante Mariana Nunes da Costa dehan, sira sei partisipa iha ezame III periodu ninia, tanba nee nudar estudante tenke estuda, tanba materia simu ona husi profesores sira.
Jornalista: Jacinta Sequeira
Editora: Domingas Gomes
