DILI, STLTIMORLESTE.com – Estudantes husi Eskola Baziku Sentral (EBC – sigla português) 10 Dezembru Komoro hamutuk 863 partisipa iha ezame segundu periodu.
“Total ami nian estudantes neebe mak ohin partisipa iha ezame segundu periodu ba loron dahuluk nian hamutuk 2.863, husi numeru nee 863 mak partisipa, ida mak mai tarde, tanba durante nee falta beibeik, maibe fo ninia razaun no ohin partisipa hotu ona iha ezame,” dehan Diretor EBC 10 Dezembru Komoro, Calistro A. Guterres ba jornalista STL iha nia knaar fatin Komoro, Segunda nee (14/07/2025).
Calistro dehan, ohin loron dahuluk ba ezame nee materia matematika, inglês no materia relijiaun, aban materia rua, no ezame nee sei remata iha loron Sesta, ezame nee hahu iha tuku 8 too tuku 12 meudia, kada materia han 45 minutu.
“Atu hetan valor diak iha ezame nee depende fali ba ita nian estudantes sira, oinsa mak sira atu esforsu aan, sira tenke prepara estuda atu nunee bele hetan valor neebe mak diak iha ezame segundu periodu ida nee,” katak nia.
(jac)
