DILI, STLTIMORLESTE.com – Estudantes husi Eskola Baziku Central (EBC) Manleuana hamutuk 1,655 partisipa iha ezame pasajen.
Direitor EBC Manleuana, Carlos Correia dehan, estudante hamutuk 1,655 mak partisipa iha ezame pasajen.
“Ami nian estudantes primeiru ano too iha oetavu ano hamutuk 1,655 mak partisipa iha ezame pasajen, Segunda materia portuguesa no edukasaun civika, ezame nee hahu iha Segunda too iha loron 22 fulan nee,” dehan nia ba jornalista STL iha nia knaar fatin Manleuana, Tersa (18/11/2025).
Nia akresenta, iha ezame pasajen nee estudantes sira partisipa no balun neebe moras karik tenke fo informasaun mai iha parte eskola nian.
“Ami nian fasilidade sufisiente ba estudantes sira uza ba ezame pasajen ninia, estudantes ida-idak mak tenke prepara sira nian hetan valor Diak nee depende estudantes sira nian esforsu liu husi estudantes,” nia informa.
Nunee mos estudante Rosita Maia da Costa Nunes hatete, ezame pasajen nee professores husi eskola mak prepara pontus ezame ba estudantes sira, maibe nudar estudantes sempre estuda. Nee importante tebes para fasil ba sira atu resposta pontus ezame sira nee, sekuandu la prepara aan maka sei defisil iha ezame.
Iha parte seluk, Superintendente Edukasaun Munisipiu Dili, Cesarina Correia afirma, inspetor sira neebe la destakadu signifika katak, sira neebe la hetan servisu atu tuir formasaun maibe nafatin halo observasaun ba atividade ezame periodu.
Jornalista: Jacinta Sequeira
Editora: Domingas Gomes
