DILI, STLTIMORLESTE.com – Estudantes Ensinu Baziku Sentral (EBC – sigla português) Manleuana kontinua ho ezame lokal, tanba ezame nasional remata ona iha loron kuarta (16/10/2024).
Asuntu nee hatoo husi Diretor EBC Manleuana, Carlos Correia ba STL iha nia knaar fatin, Sesta nee (18/10/2024).
“Ohin kontinua ba iha ezame lokal, tanba ezame nasional hotu iha kuarta (16/10/2024), nee duni ezame lokal nee ita sei halao loron tolu, hahu iha Kinta (17/10/2024) sei remata iha sabadu (19/10/2024), neebe ezame nasional loron tolu no lokal loron tolu, ami nian estudantes partisipa masimu iha ezame nasional no lokal, vizilansia ba estudantes sira kontinua lao nafatin, profesores sira nee mai husi EBC Fatumeta, kada sala vizilansia profesores nain rua,” katak nia.
Carlos dehan, materia ba ezame lokal loron dahuluk ninia mak edukasaun sivika ho cvt, aban materia relijiaun ho desportu, Sabadu artes kultura, ezame lokal nee hahu tuku 08:00 dader too meudia, maibe antes tuku 08:00 estudantes iha hotu ona sala laran.
“Ezame nee kada materia ida han 90 minutus, sala neebe ami nian estudantes uza ba iha ezame nee hamutuk 14. Ezame lokal ninia nee ami kurizi kedas iha eskola, maibe ba ezame nasional ninia nee ami tenke lori ba iha ministeriu mak kurizi,” nia afirma.
(jac)
