DILI, STLTIMORLESTE.com – Kada loron estudantes husi Eskola Hotelaria no Turizmu Bekora fokus halo pratika no sira nian ekipamentus pratika sufisiente hela.
Liafuan nee hatoo husi Diretor Eskola Hotelaria no Turizmu Bekora, Charles F. Guterres ba jornalista STL iha nia knaar fatin Bekora, Tersa nee (22/07/2025).
“Ofialsialmente hau hakarak update ba media katak estudante sira agora daudaun fokus makaas liu ba iha pratika, tanba atu prepara sira ba iha on job training no PAP prova aptidaun profisional nomeiadamente ba clase 3 sira, ekipamentus pratika ba estudantes sufisiente hela, nee duni kada loron estudantes husi departamentu haat nee sempre halao pratika iha eskola,” nia informa.
Nunee mos Diretor Eskola Sekundáriu Téknika Vokasional ba Indústria no Teknólojia (ESTV-IT) 28 de Novembro Bekora, Tomas Pinto hatete, Inspetores husi Edukasaun Munisipiu nian halao inspesaun, ida nee arte grafika nian, iha laboratoriu halo pratika teoria iha ofisina eletronika. Antes ba laboratoriu no ofisina inspetor fo hela motivasaun no informasaun ba estudantes sira relasiona ho edukasaun sivika.
“Sala 3-4 mak sei presiza relasiona ho laboratoriu no sala neebe seidauk reabilita signifika katak sala 3 mak sei presiza reabilita no sala laboratoriu iha eletrisidade presiza komputador ho nia meza Kadeira hotu. Sala laboratoriu ba futuru husi Departamentu Eletrisidade nee presiza meza no kadeira nomos presiza komputador. Ida nee laboratoriu Departamentu Eletronika nian agora daudaun estudantes sira halo hela pratika,” katak nia.
(jac)
