DILI, STLTIMORLESTE.com – Estudantes husi Eskola Sekundáriu Téknika Vokasional ba Indústria no Teknólojia (ESTV-IT) 28 de Novembro Becora hamutuk 89, sei partisipa iha ezame nasional ba ano letivu 2025.
Diretor ESTV-IT, Tomas Pinto dehan, total estudantes neebe sei tuir ezame nasional hamutuk 89 pesoas.
“Preparasaun ezame nasional ba tinan ano letivu 2025, ami nia eskola ESTV-IT 28 de Novembro Becora-Díli nian lao ho diak kuaze 45% ona, encontru konsellus profesores hodi forma komisaun organizadora ba Ezamenasional. Fo orientasaun no motivação ba estudantes sira hodi prepara-an ba ezame refere,” dehan nia ba STL, Sesta (10/10/2025).
Tomas hatete, em principiu mak tenki estuda grupu iha eskola. Estuda individual iha uma durante semana 2 nia laran, aprende hodi buka materia adisional ba materia ezame nasional nian hahú husi 2022-2024 nian. Aprezenta difikuldades mai professores relasiona ho materia disiplina sira neebe relevante ba manorin nian.
Nia hatutan, estudantes 89 nee kompostu husi departmentu 4 hanesan arte grafica, eletronica, eletricidade, gestão equipamentos informatica. Forma estrutura ba komisaun ezame nasional, estudantes hasai fotografia ona,deziminasaun ba assesu ensino superior UNTL no IPB, deziminasaun ba folhas ezame nasionl nian hodi treinu. Nee duni preparasaun ba kartaun ezame nasional no nia kontinuasaun sei lao hela.
Jornalista: Jacinta Sequeira
Editora: Domingas Gomes
