DILI, STLTIMORLESTE.com – Estudantes husi Instituto São João Batista (ISJB) husu ba Parlamentu Nasional (PN), liu-liu deputadu no deputada nain 65 atu kansela politika sosa kareta prado.
Liafuan nee haktuir husi Porta Voz ISJB, Valente Soares Marcal liu husi konferensia imprensa iha Kampung Baru, Komoro, Sabadu (06/09/2025).
Nia dehan, bazeia ba situasaun nasional neebe povu hasoru ho problematiku, estrutural no kompleksu teb-tebes iha estadu Republika Demokratiku Timor Leste (RDTL), hanesan problema kiak, setor agrikultura fraku, saude hakdasak, dezempregu kontinua buras, mal nutrisaun, edukasaun hakdasak, revisaun forsada, salariu injustu entre mahukun no trabalhador no seluk tan.
“Ho situasaun nasional neebe ami estudantes identifika iha leten, nudar problema nasaun no povu nian,neebe nesesariu teb-tebes,atu rezolve ho orsamentu jeral estadu (OJE) neebe iha. Ho ida ami husu ba PN atu ka sela politika sosa karena prado,” dehan nia.
Nia hatete, liu husi politika estadu nian neebe reflete, hodi kombate problema estrutural no kompleksu neebe mensiona iha leten, maibe infelizmente deputadu no deputada 65 neebe reprejenta aspirasaun hirak, la OJE neebe povu tomak nian, hodi rezolve nesesidade komun povu kiik no kiak sira nian. Maibe rezolve deit interese mahukun sira nian. Povu hasoru hela kiak no mukit, iha sorin seluk deputadu ou deputada sira sosa fila-fali kareta ho tipu prado hodi fasilita sira nian interese hanesan US$ 4,2 milhaun, maske kondisaun masimu ona ba sira. Desizaun ida nee, nudar insulta no asaltu povu nian dignidade nudar nain ba OJE.
Jornalista: Jacinta Sequeira
Editora: Domingas Gomes
