DILI, STLTIMORLESTE.com – Too agora husi Ministeriu Edukasaun (ME) seidauk fo informasaun ba parte eskola, tanba nee estudantes sira mai eskola la uza farda no balu uza farda anterior.
“Too agora ami seidauk bele hatene farda ida neebe, tanba governu dehan alfayate mak suku fali, neebe ami hein hela. Labarik sira mai eskola balu uza farda no balu la uza. Neebe sira mai eskola uza farda naran deit, balu uza farda anterior nian no balu la uza farda. Husi edukasaun dehan, labarik sira ba sosa farda mutin ho metan, ami dehan mutin ho metan mos osan, tanba governu implementa uniforme nee ba eskola hotu,” afirma Koordenador Ensinu Baziku Filial (EBF), Hans Klemm Bairo Pite Lucas Brandao da Silva ba STL iha nia knaar fatin Bairo Pite, Tersa nee (14/01/2025).
Nia dehan, difikuldade mak nee, kuandu estudantes sira haree malu la diak, profesores labele halo intervensaun, tanba atributu neebe sira uza la hanesan, no tenke prepara guarda eskola hodi kontrola estudante sira.
(jac)
