DILI, STLTIMORLESTE.com – Estudantes husi Ensinu Sekundariu Nobel da Paz hamutuk 500 resin sei partisipa iha ezame III periodu, neebe sei halao iha loron 18 fulan nee.
Lia hirak nee hatoo husi Diretor Eskola Sekundariu Nobel da Paz, Jeremias P. de Jesus ba STL iha nia knaar fatin, Kinta nee (07/11/2024).
“Setimu ano, oetavu ano nomos desimu ano, desimu ano primeiru ho segundu hamutuk 500 resin, ita nian estudantes sira nee mak agora daudaun prepara aan atu partisipa iha ezame III periodu ninia. Kona-ba pontus ezame ninia, agora daudaun ita nian profesores sira hahu prepara ona, antes semana oin mai ita bele prepara foto kopia ba ita nian estudante sira neebe sei partisipa iha ezame ninia,” nia deklara.
Jeremias dehan, tanba tuir kriteria ou regras kurrikulu ninia katak, se mak la tuir ezame pasajen, nee signifika nia la pasa iha ezame. Nee duni husu ba estudantes idak-idak atu bele partisipa iha ezame III periodu ninia neebe mak tuir planu sei halao iha loron 18 fulan ida nee nia laran.
(jac)
