DILI, STLTIMORLESTE.com – Estudantes husi Pre Eskolar Sagrada Familia (ESF) Vila-Verde hamutuk 107 sei halao graduasaun iha fulan Novembru tinan nee.
Lia hirak nee hatoo husi Koordenador Pre Eskolar Sagrada familia Vila Verde, Cornelio A.Soares ba STL iha nia knaar fatin, Segunda nee (28/10/2024).
“Ami nia serimonia graduasaun ba tinan ida nee husi inan aman estudantes mak organiza, tanba sira mak sei dirizi hotu serimonia ida nee, ami akompanha deit sira hodi prepara labarik sira halo graduasaun, tanba ami sei halao graduasaun iha loron 22 Novembru 2024,” nia dehan.
Cornelio hatutan, total estudantes neebe prepara ba graduasaun tinan nee hamutuk 107, nee estudantes neebe tama iha grupu B ninia, agora finadu hotu husi eskola sei kontinua hasoru malu ho inan aman sira, hodi koalia kona-ba asuntu graduasaun ninia.
Iha fatin hanesan, Rosita Nunes hanesan inan husi estudante hatete, tuir informasaun neebe iha estudante sira sei halo graduasaun iha Novembru, maibe preparasaun nee husi eskola no inan aman estudantes sira tenke servisu hamutuk.
(jac)
