DILI, STLTIMORLESTE.com – Estudantes husi Ensinu Baziku Central (EBC) Manleuana prepara aan estuda, hodi hein ezame primeiru periodu neebe sei halao iha loron 6 fulan Abril.
Kestaun nee hatoo husi Diretor Ensinu Baziku Central (EBC) Manleuana, Carlos Correia ba jornalista STL iha nia knaar EBC Manleu, Kuarta nee (25/03/2026).
“Ami nian estudantes sira prepara aan hodi bele partisipa iha ezame primeiru periodu nian, neebe mak sei halao iha loron 6 fulan Abril, nunee oinsa estudantes sira prepara aan estuda, atu nunee bele partisipa iha ezame primeiru periodu no ami nian estudantes sira mai eskola para partisipa iha aula,” nia dehan.
Carlos dehan, ezame nee iha loron 6 fulan Abril, tanba nee depois de paskua estudantes sira komesa ezame, agora profesores fo ona materia ba sira no estudantes sira mak estuda hodi bele hetan valor neebe mak diak.
“Ami nian estudantes husi EBF hirak nee partisipa iha avaliasaun, ami nian prosesu ensinu aprendizajen kada loron lao normal hanesan baibain, tuir orariu ba kada disiplina ida-idak husi ita nian profesores sira,” nia afirma.
Entretantu Joaquim Martins hanesan estudante dehan, tempu besik sira sei partisipa iha ezame primeiru periodu, nunee prepara aan estuda, tanba tempu lao dadaun, la kleur partisipa iha ezame.
“Tempu badak ami sei partisipa iha ezame primeiru periodu, ami nian ensinu aprendizajen lao hanesan baibain, tanba nee kada loron ami tenke mai iha eskola para bele partisipa iha aula, tanba ami nian profesor kada disiplina tama aula tuir orariu neebe iha,” dehan nia.
(jac)
