DILI, STLTIMORLESTE.com – Eskola Sekundáriu Jeral FINANTIL fasilita ona estudantes husi eskola Rainha da Paz hamutuk 50 ohin partisipa ona iha ezame segundu periodu.
“Ita nia oan sira ba eskola iha Rainha da paz nee, maibe konsekuensia husi ita nian oan sira mak materia laiha, tanba fulan tolu sira abandona hela iha Eskola Rainha da Paz, sira hasoru hau too matan been monu. Husi Eskola Rainha da Paz hamutuk estudantes 50, nee duni ami tenke simu sira, ohin sira partisipa ona iha ezame,” afirma Diretor Eskola Sekundariu FINANTIL, Aniceto Berlelo ba jornalista STL, Segunda nee (14/07/2025).
Aniceto akresenta, maibe fiar katak, maske sira nian Eskola Rainha da Paz mak iha problema no estudantes sira nee prepara ona sira nia aan, tanba nee ohin eskola fasilita ona sira nian 50 nee partisipa iha ezame segundu periodu loron dahuluk nian, ezame nee hahu ohin no sei remata iha loron Sabadu, total estudantes neebe partisipa iha ezame segundu periodu ba tinan nee husi eskola FINANTIL 1.294 no aumenta tan 50 husi eskola Rainha da Paz.
(jac)
