DILI, STLTIMORLESTE.com – Estudantes husi Ensinu Baziku Sentral (EBC – sigla português) Fatumeta asesu programa merenda eskolar lao ho diak, no sira tenke han aifuan semana ida dala lima.
Liafuan nee hatoo husi Xefi Fornesedor Grupu iha EBC Fatumeta, Virgina de Sousa Soares ba STL iha nia knaar fatin Fatumeta, Tersa nee (19/11/2024).
“Ita nian estudantes sira han aifuan loron-loron, maibe loron ida han aifuan la hanesan, dala ruma han apel, hudi no aidila tasak. Aifuan ida nee mak ita nian estudantes sira han, maibe han ho etu, koto, tomati, fehuk ropa, modo tahan, senora, fore mungu, susu been, naan karau no manu tolun, ami tein uza gas no ai sunu, ami uza rua nee hotu, para ami bele tein lalais, tanba ami tein dala ida deit loron ida,” nia afirma.
Nia hatutan, dader tuku lima tenke tein ona para too tuku 10 estudantes sira tenke han ona, nee duni dader tenke mai sedu eskola para tein ba estudantes sira, modo tahan nee mak hanesan repoilu, mostarda kahur ho senora.
(jac)
