DILI, STLTIMORLESTE.com – EAST Timor Coffee Institute (ETCI) hahu prepara lista estudante finalista atu submete ba Ministeriu Ensinu Superior Siensia no Kultura (MESSK).
Dehan Reitor EAST Timor Coffe Institute (ETCI), Mateus Maia de Jesus ba STL iha nia knaar fatin, Kuarta nee (19/02/2025).
“Dia 17 de Maio, ho total ami nian estudantes finalista sira hamutuk 140 mak sei halao graduasaun iha fulan Maiu tinan nee nian laran, husi numeru neebe mak ohin hau mensiona kompostu husi fakuldade tolu mak hanesan, fakuldade agrikultura, edukasaun no ekonomi, fakuldade tolu nee ninia departamentu sia. Agora daudaun lista ami prepara ona atu submete ba MESSK, tanba nee ami sei submete lista ida nee iha fulan Marsu nia laran, nee duni bainhira hatama ona lista hodi hein ba iha graduasaun ba finalista hirak neebe remata sira nian estudu,” nia dehan.
Mateus dehan, bainhira atu halao graduasaun, instituisaun ensinu superior sira tenke submete uluk naran estudantes finalista neebe atu halao graduasaun, tanba nee antes fulan Maiu ETCI sei haruka lista nee ba MESSK.
Nee duni iha Marsu tinan nee, ami haruka lista ba Ministeriu Ensinu Superior, agora daudaun ami sei prepara hela lista nee, ita hein katak naran haruka tiha para ami hein deit fulan Maiu tinan nee hahu halo graduasaun ba ami nian estudantes finalista sira,” dehan nia.
Nunee mos Reitor ISC, Sebastiao Perreira dehan, Cristal halao graduassun iha fulan Dezembru tinan 2024, maibe antes halo graduasaun submete ninia lista estudantes finista nee ba Ministeriu Ensinu Superior.
(jac)
