DILI, STLTIMORLESTE.com – Atu evita susuk hodi prevene moras dengue mak ema idak-idak tenke iha konsiensia tau lixu iha fatin no tenke halo limpeza iha idak-idak nian uma.
Haktuir Maria Mende Moniz nuudar komunidade Suku Bairo Pite, Postu Administrativu Dom Alexo, Munisipiu Dili ba STL iha Bairo Pite, Segunda nee (09/02/2026).
“Agora daudaun numeru moras dengue mos sae, tanba nee atu evita susuk iha tempu udan hodi prevene moras dengue, primeiru tenke halo limpeza iha uma hun, tau lixu iha fatin no labele soe lixu ba valeta, nee bele kria fali susuk, tanba moras dengue nee mai husi susuk neebe tata ita,” nia haktuir.
Nia hatutan, tenke halo limpeza iha uma hun no valeta, tanba komunidade balun hela besik valeta nee labele soe lixu, atu nunee labele kria susuk, tau lixu iha fatin neebe mak prepara tiha ona.
Nunee mos Manuela de Jesus hanesan komunidade husi Aldeia Likarapoma, Suku Bairo Pite hatete, los duni katak presiza halo limpeza, tantu limpeza iha uma hun no valeta, tanba bainhira ema soe aqua no seluk tan, nee bele kria susuk.
“Hau hanoin los duni katak.presiza halo limpeza, tantu limpeza iha uma hun no valeta, tanba bainhira ema soe aqua no seluk tan nee bele kria susuk,” katak nia.
(jac)
