DILI, STLTIMORLESTE.com – Relasiona ho aprezentasaun orsamentu Jeral Estadu (OJE) 2026, Dekanu Fakuldade Ekonomia Institute of Business (IOB), Antonio Soares Martins hatete, la haree ba Ministeriu gastus ezekusaun too 100% mais laiha rezultadu, ezekusaun 10% ou 50% maibe hatudu rezultadu diak, ida nee mak importante.
Tuir Dekanu Antonio Soares Martins katak, nia haree durante diskusaun OJE 2026 kuaze Ministeriu hotu-hotu osan adisional ba KRO, maibe primeiru haree Fundu Petrolifeiru produsaun menus, se Ministeriu husu orsamentu adisional nee atu halo saida, tanba durante osan 2025 nee gasta ba saida no nia rezultadu saida, la presiza haree ba nia ezekusaun 100%.
“Hau nia hakarak nee sira gasta deit 10% ou 50% maibe hatudu rezultadu diak, ida nee mak importante, laos dehan ami tinan ida gasta 100% tenke fo ami osan boot, laos kestaun ida nee, nee so estraga osan fahe osan deit, maibe oinsa mak osan gasta oituan hatudu rezultadu neebe diak, duke gasta osan aumenta despezas,” hatete Dekanu nee ba jornalista STL iha Fomentu, Sabadu (23/08/2025).
Nia fo ezemplu, MAPPF husu osan adisonal tinan ida nee halo produsaun toneladas hanesan nee, maibe atu kontinua halo produsaun osan la too bele husu orsamentu adisonal nee bele. Ita la haree rezultadu servisu ida gasta deit ikus hakarak husu adisonal nee atu halo saida, rezultadu saida, hahú tinan 2023, 2024 too 2025 klaran Ministeriu sira halo saida hatudu ba ita nia rain para depois bele husu, dezenvolvimentu MKI, Ministeriu Komersiu no Ambiente halo saida dezenvolve setor turismu iha rai ida nee depois bele husu osan adisonal, seidauk hare ema hotu akompania dezenvolvimentu iha rai ida nee durante tinan 2 laos lalao, maibe lao duni tenke koalia Ida neebe lao no la lao.
Tanba nee laos Ministeriu hotu-hotu rame-rame husu osan adisional nee, pelu menus Ministeriu ida ka rua halo programa hanesan presiza husu osan adisional nee bele, se Ministeriu hotu-hotu husu osan adisional nee.
“Hau lakohi haree gastus ezekusaun 100%, hau hakarak nia ezekusaun hatudu nia rezultadu bele gasta 50%, nia halo objeitu rua ou tolu ka 4, ida nee mak importante, laos ida ezekusaun ida 100% nee, maibe nia halao buat ida para gasta deit osan duke fo tan osan ba ida nee halo saida nee estraga osan despesas aumenta ba beibeik, sa tan Ministriu barak nomos funsionariu barak nee halo saida, tanba nee ita hare osan neebe perioridade ba halo boot no halo dezenvolvimentu nee laos para fahe ba malu. Ita la korkoda ho ida nee, ita garantia deit ba fundu minarai,” dehanDekanu.
Nia dehan, husu osan adisional ninia impaktu tenke aumenta osan OJE 2026, tanba hotu-hotu husu osan adisonal, tanba nee Ministriu Finansas presiza tetu analiza didiak.
(joa)
