DILI, STLTIMORLESTE.com – Planu ezekusaun ba dezenvolvimentu iha Ajensia Teknolojia Informasaun no Komunikasaun, Institutu Publiku (TIC Timor, I.P) mai ho natureza ezekusaun ba planu no programa efeitu ba oin, ho efetivamente neebe atinji 75.5%, nunee bele fo solusaun dignu ba nesesidades.
“Ia haree husi ezekusaun ba programa TIC Timor, I.P katak, husi loron 21 Outubru 2024 atinji 75.5 %, tanba haree katak husi esforsu sira neebe iha bele fo solusaun neebe dignu,” dehan Prezidente Interinu husi Ajensia TIC Timor, I.P, Caitano dos Santos Ribeiro ba jornalista sira iha Liceu, Dili, Kuarta nee (22/01/2024).
Maibe nia dehan, haree husi orsamentu neebe aprova ba TIC Timor, I.P ba tinan 2025, ho monatante rihun US$ 800, tanba nee nia ezekusaun natureza hanesan, oinsa bele utiliza orsamentu tuir nesesidade sira neebe akontese iha sosiedade.
Aleinde nee mos TIC Timor, I.P iha falhansu oituan kona-ba salariu vensimentu nian, nunee sei reajusta proposta ba fali Komisaun E iha Parlamentu Nasional (PN) atu haree no tetu, nunee bele aselere ba salariu vensimentu sira ba pesoal nain 90 neebe servisu apoiu ba TIC Timor, I.P nian.
“Ita iha planu prioridade neebe TIC Timor, I.P atu halo mak haree liu ba govenu eletroniku nomos reintegra sistema rede no aplikasaun ba Governu nian ba iha TIC Timor nia data sentru mos halo transformasaun dijital sira,” dehan nia.
Entretantu Diretor Diresaun Sentru Dadus TIC TIMOR, Sr. Rusmin Vicente de Fatima Soares hatete, papel importante husi Ajensia TIC TIMOR haktuir ba dekretu lei numeru 29/ 2017, atu implementa politika teknolojia informasaun no komunikasaun nian iha sosiedade.
Tanba nee, pontu importante lima neebe sei aprezenta mak hanesan Timor Dijital, Sistema Aplikasaun sira neebe dezenvolve husi TIC TIMOR, Infraestrutura Rede, Sentru Dadus Sibernetik.
(EST 1)
