DILI, STLTIMORLESTE.com – Instituisaun FALINTIL – Forsa Defeza Timor Leste (F-FDTL) hametin kooperasaun tekniku militar nian ho nasaun Austrália no Nova Zelandia.
Xefe Estadu Maior Jenerál FALINTIL- Forsa Defeza Timor Leste (F–FDTL), Tenente Jenerál Falur Rate Laek, enkontru ho Xefe Estadu Maior Jenerál Exército Austrália Tenente Jenerál Simon Stuart, AO, DSC ho Xefe Estadu Maior Jerál Forsas Armadas Nova Zelãndia, Major Jenerál Rose King, iha enkontru nee sira diskute liu kona-ba kooperasaun neebe halao tiha ona no bazeia ba proposta Jenerál Ezercito Austrália no Nova Zelandia nian neebe sei estabelese tan kooperasaun entre forsa F-FDTL Terrestre ho sira nia Ezercito.
“Hau nia esperansa ba sira mak husu apoiu servisu hamutuk nafatin ita lori ita nia pensamentu ba kontribuisaun ba paz no estabilidade, atu nunee Timor oan ba neebe deit lao ho paz,” hatete Xefe Estadu Maiór Jenerál FALINTIL – Forsa Defeza Timor Leste (F-FDTL), Tenente Jenerál Domingos Raul “Falur Rate Laek” ba jornalista sira, Sesta loraik (13/06/2025).
Nia esplika, nasaun rua nia apoiu ba finanseiru no rekursu umanu ba Instituisaun F-FDTL nee barak ona susar atu konta durante tinan naruk nia laran.
Iha fatin hanesan, Xefe Estadu Maior Jenerál do Exército Austrália Tenente Jenerál Simon Stuart informa, sente kontente previleiju boot ida bele fila-fali mai Timor.
“Hau ho Jenerál King hasoru malu fali ho kolega F-FDTL sira neebe servisu hamutuk tinan 24 nia laran bele hasoru malu fila fali,” nia tenik.
Nia informa, benefisiu ka mutu neebe mak hetan konta labele parte rua apoiu malu barak ona. Atu ita servisu hamutuk nafatin ho komitmentu ba futuru atu garante paz ba iha nasaun idak-idak no rejiaun sira, iha prosperidade ita nia povu nian populasaun sira hodi proteje paz no seguransa nia savi hamutuk ita bele servisu diak liu tan hodi nasaun ba oin.
Nunee Xefe Estadu Maior Jerál Forsas Armadas Nova Zelandia, Major Jeneral Rose King hatete, buat neebe mak hanoin hetan mak nee, servisu hamutuk prinsipál mak amizade.
“Kona-ba progresu no melhoramentu iha neebe tanba saida? nee tanba ita nia kooperasaun, kooperasaun sufestikadu liu tan neebe atu bele apoiu ba malu iha area sira neebe mak ita presiza hadia diak liu tan,” nia afirma.
(jen)
