METINARO, STLTIMORLESTE.com – Komadante Forsa Apoiu Jerál (FAJ), Koronel Celestino Pinto Daeleba hatete, Membru FALINTIL Forsa Defeza Timor Leste (F-FDTL) nain 8 ohin gradua ba lian Ingles ho level I ate level V.
“Ita kooperasaun ho Australia no Portugal, tanba Portugal ita hola parte iha Comunidade dos Países da Lingua Portuguesa (CPLP) no Australiai, ita tenke hatene Ingles tanba ita hola parte multilateral ho nasun Amerika, Australia no Japaun inklui Malazia, nunee ita tenke hatene lian Ingles no Portugues,” hatete Koronel Celestino ba jornalista sira iha CICNL Metinaro, Kuarta (18/12/2024).
Nia dehan, sira nain 8 aprende Lian Ingles, lian Ingles nee importante teres, tanba wanhira ba nasaun seluk nee persiza hatene lian Ingles.
“Ita tenke aprende lian Ingles, wainhira ita ba nasaun neebe ita kooperasaun ho multilateral nomos ita ba servisu iha nasaun estranjeiru tenke hatene lian Ingles no Portugues no laos ida nee deit, maibe atu kursu Xefe Estadu Maiór nian ita tenke hatene lian Ingles,” nia tenik.
Nia esplika, forsa agora halo modernizasaun ona, neebe foin sae sira no forsa foun sira tenke hatene lian Ingles no Portugues atu nunee bele ba kursu Xefe Estadu Maior no seluk tan.
Iha fatin hanesan, Defence Koperation Education, Coronel Andrew Flanayan informa, estudante méritu nia mak seleksaun susar tebes ba sira, tanba estudante sira hotu hetan dezempenhu diak tebes.
“Hau kongratula ba imi hotu ba imi nia atetudi no imi nia susesu neebe furak tebes,” nia esplika.
Nia deklara, aprendizajen hanesan privilejiu boot ida no investimentu furak ida ba futuru Timor Leste nian.
(jen)
