DILI, STLTIMORLESTE.com – Forum Komunikasaun ba Valores Nasaun (F-Kovana) fo formasaun ba joven sira kona-ba programa sidadania rezilensia konsiensia umana, oinsa prepara joven sira kona-ba situasaun moris rai ida nee.
“Programa ida bolu programa formasaun sidadania neebe ami halao bainhira hetan fiar husi Gabinete Apoiu Sosiedade Sivil hodi bele haree oinsa mak prepara ita nia joven sira, ita nia sosiedade sira atu lori sira hamutuk iha situasaun moris iha rai Timor nee,” hatete Prezidente Konselhu Administrativu F.Kovana, Eladio Antonio Faculto ba jornalista iha Madohi, Sesta nee (11/07/2025).
Tanba Timor moris iha ambiente todan tebes, ho kompetisaun neebé aas tebes, tanba nee presiza prepara joven sira atu iha rezilensiu liu ba luta hodi halo konstrusaun ba estadu nee liberta povu.
“Tanba ida nee ami nia programa formasaun sidadania ho topiku rezilensia konsiensia umana, signifika katak ita hametin ita nia hanoin para oinsa bele rezolve problema sira neebe hakat liu moris,” dehan nia.
Nia relata, iha formasaun sidadania nee konvida entidades espiritu importante para bele fo kontribuisaun hanoin ideia matenek hodi haree kona-ba topiku neebe ami hili ekolojia ekosistema, nunee mos koalia kona-ba Fraternidade Umana ligadu ho hanoin mai husi Amu Papa Francisco husu ba Timoroan sira atu bele halao Fraternidade Umana iha TL, ita konvida parte husi relijioza sira mai aprezenta husi Igreja Katoliku nia no husi Igreja Protestante, aban rua ami sei konvida relijiaun sira seluk mos mai atu koalia kona-ba Fraternidade Umana oinsa moris hamutuk hanesan maun ho alin, nunee mos iha relozusaun do konflitus no no etika moral.
Tanba situasaun sira nee hasoru konflitu barak iha rai ida nee, iha problema sira parte ba ita nia problema tenke hatun problema nia tensidade nomos konserta povu no joven sira bele hakat liu probema esensial mak buka solusaun ba vida moris nian.
Formasaun nee kada suku semana ida halo dala rua, Suku Mahadohi halo formasaun horseik no ohin, Suku Mascarinhas halo semana kotuk, ida nee hotu sei halo formasaun iha Suku Kolmera no Kaikoli.
Nunee mos fo formasaun ba arte marsiais sira mak hanesan PHST, IKS nomos arte ritual, suku sai husi Dili laran ba Hera no Metinaro suku 6 arte marsiais rua no arte ritual ida.
Nia dehan, formasaun nee introdus kona-ba pensamentu lojiku iha enkudramentu teoriku materializmu dialetiku introdus ba komunidade.
(joa)
