DILI, STLTIMORLESTE.com – Xefe Estadu Maior Jeneral FALINTIL – Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” partisipa iha Dialogu Nasional neebe halao iha Palasiu Prezidénsial Bairo Pite.
Liu husi komunikadu neebe STL asesu husi media F-FDTL, Tersa nee (02/09/2025) katak, semináriu nasional nee loke abertura husi Prezidente Republika Jose Ramos Horta, no oradar prinsipal ba seminariu nee husi Primeiru Ministru (PM) Kay Rala Xanana Gusmão, ho tema “Papel Jerasaun Foun iha Konteksu Dezenvolvimentu Nasional Hodi Hatutan Obra Jerasaun Tuan”.
Partisipa iha semináriu nee, Prezidente Repúblika Jose Ramos Horta, Primeiru Ministru Kay Rala Xanana Gusmão, nomos Xefe Estadu Maior Jeneral FALINTIL Forsa Defeza Timor-Leste (F-FDTL) Tenente Jenerál Domingos Raúl “Falur Rate Laek”, Tenente Jeneral Reformadu Lere Anan Timur, membru Governu da-IX, Komandante Jeral Polisia Nasional Timor Leste (PNTL) Komisariu Jerál Polisia Henrique da Costa, Prezidente Autoridade Munisípiu 13 no estudante husi Universitáriu sira.
Jornalista: Jeniche da Costa
Editora: Domingas Gomes
