DILI, STLTIMORLESTE.com – Deputadu husi Bankada PLP, Helder Freitas ‘Camarudin” hatete, iha loron 25 Novembru tinan nee, pasiente ida moras husi Munisipiu Baukau atu halo tranferensia ba HNGV, maibe kondutor ambulansia sai hotu, no doutora sira haruka familia pasiente aluga karreta hodi tula pasiente mai Dili.
“Pasiente nia familia mak aluga rasik mikrolete, folin US$ 70 too iha Iliheu Ilimanu, karreta aat tiha, pasiente tenke pasensia hodi hein oras ida ho balu mak foin motorista ambulansia ida ajuda tula mai fali iha HNGV”, kestiona Deputadu Harder Freitas ‘Camarudin, iha Parlamentu Nasional (PN), Segunda (09/12/2024).
Nia dehan, loron tuir tan mai iha loron 26 hasai raan, makina la diak hotu, seidauk rona rezultadu, haruka fali pasiente nee fila ba uma, depois mak tratamentu moras.
No kondisaun pasiente nee agora sei moras hela maibe haruka fila tiha ona ba uma. Tanba nee husu ba governu liu husi MS tenke tau atensaun ba servisu. Tanba asuntu Saude no Edukasaun halo sira kritika malu, hakilar malu, no hirus malu.
Tanba nee husu Sekretariu Estudu Komunikasaun Sosial (SEKOMS) atu enkamina kestaun nee ba Ministeriu Saude (MS) hodi responde atensaun makaas bá situasaun sira hanesan née.
Hatan ba kestaun nee, Sekretariu Estudu Komunikasaun Sosial (SEKOMS), Expedito Dias hatete, kona-ba preokupasaun saude, nia parte agradese bá kestaun nee, sei hatoo ba Ministeriu Saude atu bele atensaun ba asuntu saude neebe sai preokupasaun.
(gui)
