DILI, STLTIMORLESTE.com – Familia matebian Padre Domingos Maubere, Madre Lucia de Deus agradese ba mediku sira iha Hospital Nasionál Guido Valadares (HNGV) neebe durante nee fo ona tratamentu saude ba Padre Domingos Maubere.
Nia dehan, familia matebian Padre Domingos Maubere agradese ba Mediku sira iha HNGV neebe durante fo tratamentu saude ba Amu Domingos iha ICU.
“Agradese ba Ministra Saude nomos Diretor sira iha HNGV inklui mediku sira, imi nia badinas fo tratamentu saude ba Amu Domingos Maubere neebe durante semana ida baixa iha HNGV, maske kritiku nia laran maibe imi nia domin ba Amu laiha limitasaun,” Familia Madre Lucia de Deus ba jornalista sira iha Kapela Nossa Senhora de Lourdes HNGV, Sesta (16/05/2025).
Nia husu agradese ba Dioseze Dili neebe durante nee fo akompanhamentu ba Amu nia moras durante baixa iha HNGV.
Nia mos agradese ba sarani no Madre, Padre sira neebe organiza malu mai halo orasaun iha Kapela Nossa Senhora de Lourdes HNGV durante nia moras baixa iha ICU.
Nia deklara, Amu Domingos mate husu sarani sira reza nunee nia hamutuk ho Anju no Santu sira iha lalehan.
Iha fatin hanesan, Diretór Ezekutivu HNGV, Nuno Vital Soares esplika, HNGV simu onra boot bele simu konfinasa husi familia ekipa mediku sira hodi fo tratamentu ba Padre Domingos Maubere nia saude, maibe Maromak nia planu la hanesan ema nia planu.
“Ami HNGV bele simu konfiasa husi familia hodi halo tratamentu ikus ba Padre Domingos, ohin loron ikus nee ami agardese tanba ami nia ekipa mediku halo esforsu tomak, neebe halo ona maibe planu Maromak nian ita la bele halo buat ida,” nia afirma.
(jen)
