DILI, STLTIMORLESTE.com – Família Saudozu António Soares da Silva “Maucalo” daudaun nee prepara ona iha Aeroportu Internasional Nicolao Lobato, hodi hein Cadável ka mate isin, neebe transporta husi Malazia mai Timor.
Tuir Observasaun STL Kinta nee (17/10/2024) haree katak, família sira hahu husi kiik too boot, ferik katuas no joven sira hotu prepara ona iha Aeroportu hodi hein Cadável.
Mate isin Maucalo neebe sei transporta husi Malazia mai Timor Leste, ho aviaun Aero Dili, no sei too iha tuku 13:30 meiudia.
Família matebian daudaun nee prepara inklui mos Membru Forsa Defeza Timor Leste (FDTL) no PNTL, neebe hein hodi simu mate isin Maucalo, neebe remata ona peregrinasaun iha mundu.
(gui)
