DILI, STLTIMORLESTE.com – Koordenador Pre Eskolar Moris I, Domingas Beatriz da Cunha hatete, farda eskola neebe Ministeriu Edukasaun (ME) halao ona lansamentu iha tinan kotuk, maibe too agora ME seidauk fo informasaun ruma ba eskola sira.
“Ami seidauk rona farda nee dehan edukasaun mak prepara, maibe too agora ami seidauk rona liafuan ida prepara farda eskola nee oinsa, nee ami seidauk hatene los, tanba nee ami nian estudante sira mai iha eskola hatais ropa baibain deit, tanba ami seidauk simu orientasaun ruma mai husi ME katak, uza ropa ida nee ka ida nee ba, nee duni ami hein deit informasaun mai husi ME,” komenta Domingad ba STL, Kinta nee (23/01/2025).
Nunee mos Maria Nunes hanesan inan husi estudante hatete, kona-ba farda eskola, too ohin loron husi eskola seidauk fo avizu ba inan aman sira katak, sosa farda oin ida nee ka ida nee ba, tanba nee sira nian oan sira ba eskola seidauk uza farda.
(jac)
